Committed to the economic success
of every project

Захирлын мэндчилгээ

Экоминерал ХХК нь Байгаль орчныг нөхөн сэргээх үйлсэд хөл тавьснаас хойш 10 гаруй жилийн хугацаа өнгөрчээ. Бид өнгөрсөн хугацаанд үйл ажиллагааныхаа цар хүрээг өргөтгөн газрын хэвлийн нөхөн сэргээлт, мониторинг, үр үржүүлэг, үрийн нөөцийн сан бүрдүүлэх, дахин боловсруулах үйлдвэрлэлийн чиглэлээр үйл ажиллагаагаа өргөтгөн ажиллаж байна. Мөн энэ хугацаанд бид Монгол орны хөгжил, дэвшилд хувь нэмрээ оруулж байгаа томоохон төслүүдтэй хамтран ажиллахдаа үйлчилгээндээ илүү анхаарч, орчин үеийн дэвшилтэт техник технологийг ашиглан тогтвортой ногоон хөгжлийг хамтдаа бүтээж байгаа билээ.

Экоминерал ХХК нь олон улсын Чанарын удирдлагын тогтолцоо ISO 9001:2015, Байгаль орчны удирдлагын тогтолцоо ISO 14001:2016, Хөдөлмөрийн аюулгүй байдал, эрүүл ахуйн удирдлагын тогтолцоо OHSAS 18001:2007 стандартыг үйл ажиллагаандаа нэвтрүүлэн ажиллаж эхлээд байна.

Бид хэрэглэгч нэг бүрт хүрэх үйлчилгээнийхээ чанарыг илүү сайжруулж, байгаль орчинд ээлтэй, нийгэм, эдийн засагт үр өгөөжөө илүүтэй өгөхөд чиглүүлж, үйлдвэрлэлийн осолгүйгээр бизнесийн болон нийтийн эрх ашгийг зохистой хослуулан ажиллахыг зорьж байна. Бидэнтэй цагийн уртад хамтран ажиллаж ирсэн бизнесийн түншүүд, харилцагч, үйлчлүүлэгчиддээ компанийн хамт олны өмнөөс талархал илэрхийлье.

Захирал

П.Бямбадорж